ONOMATOPEIAK

Zer da onomatopeia?
Onomatopeia soinu bat imitatzen duen hitza edo hitz taldea da. Horien adibide dira "erlojuaren tik-tak", "uretan plisti-plasta ibili", "telefonoaren txirrina", "atean danba-danba joka".
Animalien soinuak adierazteko  erabiltzen dira gehienetan: zaunka, kurrinka, ...
Ondorengo bideo dibertigarrian onomatopeia ugari agertzen dira. Italieraz abestuta dago eta animalia batzuk azaltzen dira. Ea  onomatopeiak bereizten dituzuen!

                                  PULCINO PIO ----TXITO PIO

ZORIONAK ETA URTE BERRI ON

2013. urtea oparoago izan dadila!

SANTU TOMAS azoka

Bihar Santu Tomas azoka ospatuko dugu ikastetxeko kiroldegian.
Txorizoa dastatzeko prest?
Jostailuak  trukatzeko irrikitan?
Euskaraz hitz eta pitz aritzeko nahian?
Gure txerria etxera eramateko gogoz?
Bihar 11ak aldera elkar ikusiko dugu!!!!

GABONAK GALIZIAN: O apalpador.

Apalpador edo Pandigueiro  Galiziako  ohiko eguberrietako pertsonai bat da, kristautasunaren aurreko pertsonaia dela dirudi.

Apalpadorearen pertsonaia Olentzeroren  oso antzekoa da: Apalpadorea mendietan bizi da urte osoa, ikatz egiten. Ikazkin hau, eguberrietako gauan mendietatik herrietara jeisten da haurren sabela haztatzeko eta ikusteko ondo jan dutela.

Uzten die gaztain pila bat eta esaten die marmarka "Hola izan zaitezte urte osoa".

GABONAK KATALUNIAN:Tió de Nadal

Tió de Nadal (beste izendapen batzuk: Tió, Tronc de Nadal, Soca, Xoca edo Tronca) Kataluniako mitologiako nahiz Eguberrietako  pertsonaia da. Katalunian  oso barneratua dagoen usadioa da.
Zuhaitz enbor bat da eta hotza ez izateko manta batez estaltzen zaio. Janaria eman ostean umeek makila batez jotzen dute ... kaka egiten dezan!  Umeentzako opariak dira bere "kakak":  goxokiak, litxakeriak, turroiak, fruitu lehorrak,...

Katalunian dudan lagun batek tradizio hau kontatu dit eta abesti bat bidali ere. Irudian sakatuz gero eta  arretaz entzuten baduzue ulertuko duzue nola eskatzen dioten kaka egitea. Zoragarria, ezta?

Caga tió,
d´avellanes i turrons.
Si no cagues bé,
et donaré un cop de bastó!

HORRA, HORRA, GURE OLENTZERO...

Irudian sakatu eta......

OLENTZERO JOAN ZAIGU
MENDIRA LANERA
INTENTZIOAREKIN
IKATZ EGITERA

NEGUKO ZUZIA EDO SUBILA

Ezagutzen ditugun kultura guztiek ospatu dute eguzkiaren etorrera-errituekin, eta, kasu askotan, gaur egun arte iraun dute. Eguzkiaren etorrerarekin, herriek lurraren emankortasun garaiaren etorrera ospatzen dute

Neguko solstizioarekin  loturik hainbat errito daude Euskal Herriko tradizioen artean, hala nola gabon zuzia, Eguberritan etxeko suan erretzen den enborra.

Euskalerri osoan zabalduta dagoen Gabon gabean enborra sukaldean erretzeko ohitura dago. Enbor honi toki batzutan Gabon Zuzia deritzote, eta beste batzutan Gabon Subila (hauxe da Busturialdean gehien erabiltzen dan forma), baita Olentzaro Enborra ere nonbaiten.

Enbor honek baditu herriaren ustetan birtute eta eragin handiak. Toki gehienetan etxekoak eta haien abereak edozein gaitzetik (ekaitza, gaisotasuna...) libratuko dituen ustea dago.

 

NEGUKO SOLSTIZIOA

Ipar hemisferioan, abenduaren 21-22an izaten da neguko solstizioa; egun horretan, Lurraren errotazio-ardatzaren ipar poloa Eguzkiaren aurkako noranzkoan orientatzen da. Gertaera horrek ondorio batzuk ditu planetan. Ipar hemisferioan hauexek dira:

- Urteko egunik laburrena eta gaurik luzeena duen eguna da.

- Eguzki-izpiak zerumugarekiko inoiz hartzen duen altuera txikiena (irudizko altuera) hartzen du ipar hemisferioan. Horregatik, eguzki-izpiek Lurrarekin angelu txikia sortzen dute, eta inoiz baino izpi gutxiago iristen dira azalera-unitateko

Ipar poloan eguzkia ez da ateratzen egun guztian zehar, 24 orduko gaua izaten da, eta egoera hori egun batzuetan luzatzen da

 

BADATOZ, BADATOZ!!!!!

Abenduaren 3an, hegan joan ziren eskutitzen erantzunak heltzen ari dira.
Getxotik , Gernikatik (Oiz mendian jaso zuten mezua), Azpetiatik, Azkoitiatik,.... Batzuk, postaz, beste batzuk e-mailez,....
Eta dudarik gabe oraindik gehiago helduko dira.

EUSKARA, JALGI HADI MUNDURA

ITZIAR ITUÑOREN bisita

Abenduaren 4an, Itziar Ituñok bisita bat egin zigun bere lanbideari buruzko hitzaldia emateko.
Berari ezker jakin izan dugu zer egin behar den aktorea izateko,  zein motatako lanak egin daitezkeen eta nolakoa den lan hau.
6. mailako ikasleek primeran pasatu zuten,  ederki portatu  eta amaieran autografo batzuk eskuratu zituzten.
Eskerrik asko, Itziar.

EUSKARAREN EGUNA

Azkenez Eguzkiak lagundu zigun Euskararen eguna ospatzen eta eguraldi zoragarria izan genuen.
Puxika batzuek oso altuz egin zuten hegan, beste batzuek, berriz, nekez lortu zuten postalean idatzita zeuden horrenbeste desio garraitzea.
Hemen sakatu eta ikus ezazue:

EUSKARAREN NAZIOARTEKO EGUNA

Bihar, abenduaren 3an, Euskararen Nazioarteko Eguna, gure ikastetxetik euskararen aldeko mezu bat zabalduko da.
Ehunka puxika alai (biodegradagarriak, noski!) askatuko ditugu gure eskolako kide guztien mezuak eta nahiak aldarrikatuz.

PATXI DA !!!!!

Bai asmatu duzue Patxi da!!!.

Suposatzen dugu arau guztiak bete dituzuela, ezta? Ez duzue tippexik erabili, egun guztietan erantzun duzue, tranpa egin gabe asmatu duzue,...
Ba, kasu horretan, lasai egon eta astelehenean  asmatu duten taldeen zerrenda zuzendaritzaren ondoko kortxoan topatuko duzue.

Zozketa astelehenenean bertan izango da:
10: 30ean, Haur Hezkuntza eta Lehen Zikloa.
11:15ean, 2. eta 3. zikloak
ZORTE ONA IZAN!!!!

NOR DA NOR: Azken pista.

                                                   

 TXIKITAN ILEMOTZ,

 GAZTETAN ILELUZE,

 ORAINGOAN,

 IA BURUSOILA!

Noski!!!!!!  Badakit!!!!

NOR DA NOR: Laugarren pista.

BIZARDUN HAU SARATXAGAN ZEIN ANDRA MARIN EZAGUNA DA OSO.

Ene bada, mutila da!

NOR DA NOR: Hirugarren pista.

GURE PERTSONAIA EZ DA BIZKAITARRA

Nongoa ote da?

EUSKARA EGUNA

Abenduaren 3an  Euskararen Nazioarteko Eguna  munduan zehar ospatzen da.
Gure ikastetxean ere egun berezi honetan ekintza ugari burutuko dugu: irratsaioa, mezuak bidali, abestu, puxikak askatu,....

Ba al dakizue zein den gure abestia.?

 "Euskaraz bizi nahi dut".

Entzun ezazue:

NOR DA NOR: Bigarren pista.

MUSIKA TRESNAREN BAT JOTZEN BADAKI, MUSIKAZALEA BAITA.

Zein musika trena izango da?

NOR DA NOR? Lehenengo pista

HAUETARIKO HAUR BATEK ESKOLAN LAN EGITEN DU.

Nor ote da?

NOR DA NOR?

Azaroaren 26an NOR DA NOR kanpaina hasiko da.
 Zuzendaritzaren ondoko kortxoan, egunero pista bat agertuko da.
Argazkia ondo aztertu, pista arretaz irakurri eta klasean eztabaidatu.

BASOAK

Basoen inguruko liburu erakusketa bat antolatu dugu Andra Mariko liburutegian.
Informazio liburuaz gain,  ipuinak eta narrazioak ere topa ditzakezue.
Anima zaitezte eta etorri !

LURRAREN AGERRALDIA ILARGITIK IKUSITA

Ondorengo irudiak Kaguya izeneko sonda japoniarrak hartu zituen,  Ilargiaren inguruan biraka zebilela.  Haietan,  Ilargiaren aurpegi ilunaren zeruertzean gure planetaren agerpenaz liluratu gaitezke.

EGUZKI EKLIPSE AZAROAREN 13AN

Azaroaren 13an Eguzki eklipse bat gertatu da.  Ilargia Eguzkia eta Lurraren artean pasatu da eta horren ondorioz hainbat minututan  Eguzkia ilundu egin da eta  ezin izan dugu bere argia ikusi.
Zoritxarrez Euskal Herritik ezin izan dugu fenomeno hau antzeman. Hego Pazifikotik ikusi dute.  Australian hasi  eta Chileko kosta aurrean, itsasoan amaitu da.

KEPA MALLEA

Urtebete bat pasa da jadanik, Kepa, gure ikastetxeko irakasle ohia, hil zutenetik.

Gaur  bere bertsoekin gogoratu nahi  dugu:

Elkar adosten dakigunean

atsegina da bizitza.

Gure gatazkak bideratzeko
arma onena da HITZA.

SORGINKERIEN MUSEOA

ITZULI DA BAT PAT, SAGUZAHAR DETEKTIBEA!!!

Fogvilleko sorginkerien musoak oso ikusle gutxi izaten ditu eta laster itxi egin beharko dute. Penagarria da; izan ere, orain sorginak, banpiroak eta mamuak kalean geratuko dira... Eskerrak gezurrezkoak diren, ezta?

Izenburua:Bat Pat. Sorginkerien museoa

Idazlea:Pavanello, Roberto

Itzultzailea:Arana Luzuriaga, Aitor

Orrialde kopurua:240

Argitaletxea:Ediciones Mensajero, S.A.

 

HANDIA AL DA GURE ILARGIA?

Ilargia Unibertsoko hainbat astroren tamainarekin konparatzeko YouTuben agertzen den animazioa hau behatu.
http://www.youtube.com/watch?v=Us5rUYdLyHQ&NR=1

ITZIAR ITUÑO GURE ESKOLAN

Jakin izan dugunez,  Ikas2bideak programaren eskutik, Itziar Ituñok, Goenkalen urte askotan ari den  aktoreak, bisita bat egingo digu.
Abenduaren 4an gure ikastetexera hurbilduko da eta 6. mailako ikasle batzuekin solasaldian ibiliko da.

Ongi etorri, Itziar!!!

NIRE MUNDUA: UNIBERTSOA.

Ezagutu zure mundua, liburu interaktibo dibertigarri hauekin! Gurpilak biratu, leihoak ireki eta azal-hegalak zabaldu, Unibertsoari buruzko gauza asko jakiteko.

• Espazioan zer pisu duzun kalkulatu nahi duzu?
• Badakizu zertarako balio duen teleskopio batek?
• Ba al da bizirik izarretan? eta beste planetetan?

Unibertsoa bisitatu dugu, ezta? Baina ez dakit ondo ezagutzen dugun gu bizi garen planeta: LURRA.
Liburu ikusgarri honetan informazio ugari izateaz aparte, marrazki  eta 3 dimentsioko irudiez goxatuko duzue.
Mac Millan argitaletxekoa da eta gure liburutegian eskura daukazue.
Anima zaitezte, benetan merezi du eta!!!

PLANETA BERRI BAT TOPATU DUTE !!!

Bai horixe!
Gugandik hurbilen dagoen izar baten inguruan biraka PLANETA BERRI BAT topatu dute astronomoek.
Alfa Centauri du izena izar horrek. Hemendik izar bakarra balitz bezala antzematen badugu ere, berez, hiru izarrez osaturiko sistema da. Bigarrenaren inguruan dago  planeta berria.
Alfa Centauri B b  izen originala jarri diote eta  Lur planetaren antzeko tamaina du.
Ez dago urrunegi, Unibertsoan dauden distantziak kontuan harturik: 4,37 argi urte.
Ba al dakizue zer den argi urte bat? Ba, Imagina ezazue argiaren abiadurarekin (300 000 kilometro segunduko) bidaiatzeko gai izango ginatekela. Urte batean abiadura horrekin zeharkatutako distantzia argi urte bat da. 
Alfa Centauri B b-ra joateko 4, 37 urte beharko ginateke goian aipatutako abiaduraz. Baina gaur ditugun espaziontziak erabiliz 1000 urte baino gehiago beharko genuke horra heltzeko.
Oraindik ez dakigu gauza askorik planeta berriari buruz: bere izarraren inguruan bira oso bat emateko 3,236 egun ematen dituela eta bere tenperatura 1000º  C ingurukoa izango dela. Ez da erreza, beraz, hor bizitza egotea baina.....

ZEIN TXIKIAK GAREN UNIBERTSOAREN BARRUAN!

Badakigu Lur planeta Eguzkiaren inguruan dabilela biraka, eta Eguzkia Esne-Bidea izeneko galaxia baten izarra dela, eta unibertsoan miloika galaxia daudela....
Ondorengo animazioan 6 minututan bidaia bat egingo dugu unibertsotik.
Klikatu beheko irudian eta pantaila zabaldu. Zoragarria!!!

EGUZKI SISTEMA

Eguzki sistemari buruzko animazio zoragarri bat ikusteko klikatu goiko irudian eta aho zabalik geratuko zarete .
Kontuz!! Ondo ikusteko Mozilla erabili behar duzue!

EGUZKI SISTEMA

Eguzki sistemaren zehar bidaiatu nahi duzu?
Planeten itxurak eta tamainak ezagutu nahi duzu?

Ilargira egindako bidaien informazioaren berri izan nahi duzu?

Marte planetari buruz gehiago jakin nahi duzu?

Liburu interesgarri bat  aurkeztuko dizuet:

Título: Sistema Solar: viaja hasta los planetas y más allá
Escritor: Ian Graham
Traductor: Fernando Bort Misol
Colección: ¡Asombrosos 3D!
Editorial: Macmillan, 2009
Nº pág.: 30

LANEAN ARI GARA!!!!

BAI HORIXE!
Eskolan korrrika eta presaka gabiltza irakasle guztiak, zuentzako harrera prestatzen. Mahaiak, liburuak, ordenadoreak, lanak...
Dena prest egongo da datorren astelehenean.
Egun horretan elkar ikusiko dugu, oporretako pasadizoak kontatu, lagun berriak agurtu....

IRRIKITAN GAUDE!!!!

IBAIREN OMENEZ

Ibai eta ikaskideak
Musika Astean

Berri triste eta mingarri bat jaso dugu. Ibai Azkue, gure ikaslea, istripu baten ondorioz hil da.

Ikastetxeko irakasleok zein ikasleek, bere jatortasuna eta izaera alaia  gogoan izango ditugu.

Beti arte, Ibai.

AGUR ETA BETI ARTE

Urtero lez 6. mailako ikasleei agurra emateko momentua heldu da.


PD61-PD63 ikasleak

Urte luze eta goxoak izan dira gure artean pasatutakoak. Hainbat pasadizo, abentura, kexka, azterketa eta poza...
Irakasleontzat momentu latza izaten da baina espero dugu noizbehinka gutaz oroitzea, eta nola ez, bisitaren bat egitea....
Beti arte

GIZAJO BATEN EGUNKARIA

 Jeff Kinney idazle eta marrazkigileak, "Gizajo baten egunkarian"  bere antiheroia aurkezten digu: Greg Heffleyk, institutuan hasi berria.
Miren Arritibelek itzulita, momentuz bilduma honetatik 3 liburu argitaratu dira:

1. Greg, gizajo baten egunkaria.
2. Gizajo baten egunkaria: Rodrick-en legea.
3. Hauxe besterik ez nuen behar!

Hirurak gure liburutegia topa ditzakezue eta esan beharra dago oso arrakastatsuak izan direla.

MUSIKA ASTEA

Hilabete bat baino gutxiago falta da Andra Mariko XX. Musika Astea ospatzeko.
Jadanik hasi dira ikasleak dantza taldeak osatzen eta abestiak aukeratzen.

Kantak hautatzerakoan  ez ahaztu euskeraz ere oso doinu politak eta "martxosoak" topa ditzakezuela.
Hona hemen adibide batzuk:
  Gose: EUSKALAKARI.
http://www.youtube.com/watch?v=r6Ig5TSBmEc
Betagarri. SWEET MARY
http://www.youtube.com/watch?v=shdJuYei1nE&feature=related

BADAUKAT IZENA!!!!!!!

Pozaren pozez nago.
Bigarren mailako haurrek lagundu didate izen apropos bat bilatzen eta  Ikerrek, PD22 taldeko ikasleak, nire gustuko izena proposatu zidan:
KONGITO TXIKI

Gainera ni oso goxozalea naiz eta kongitoak........UMMMMM....izugarri gustatzen zaizkit!!!!
Mila esker zuen laguntzagaitik eta etorri liburutegira bisita bat egitera.

BEGOÑA INTXAUSTI JUBILATU EGIN DA

Bego Intxausti, 6. mailako irakaslea, jubilatu egin da.
Hiruhilabete honetan jadanik ez da gurekin egongo baina bisita egitera gaur bertan etorri da.
Guztion partetik jubilazio luze eta atsegina izan dadila opa nahi diogu.

ERREKA MARI

Ikusteko dira Haur Hezkuntzako ikasleen aurpegiak Rosa Maria Martinenezen emanaldian.

Erreka Maria eta Martin gure ikastexean egon ziren eta bere istorio liluragarriaz goxatu genuen.

JOKU MATEMATIKOAK

Datorren asteartean, martxoaren 27an, arratsaldeko 3etan, eskolako liburutegian joku matematikoak lantzeko tailer bat burutuko da.
Ekintza honetan 4. mailako bi taldek hartuko dute parte.

Eta animatzeko, hona hemen asmakizun matematiko bat. Ea nori bururatzen zaion erantzuna.

Itxuraz berdinak diren 12 txanpon ditugu. Badakigu ordea horietariko bat faltsua dela eta duen ezberdintasun bakarra pisu gehiago duela da. 2 platerreko balantza bat (betiko oreka balantzak) 3 alditan erabiliz jakin behar dugu zein den txanpon faltsua. Nola?

Buruari eragin eta erantzunak hemen bertan (Comentarios) utzi.

LIBURU EGUNAREN EGITARAUA

Bihar, martxoaren 23an, gure ikastetexean Liburu Eguna ospatuko dugu.
Honako hauek izango dira antolatutako ekintzak:

• Goizeko bederatzietan 2., 3. eta 4. mailako ikasleek irratsaio bat eskeiniko digute




• Geroxeago gela guztietan irakurketa saio bat burutuko da. Musika lasaia zabalduko da ikastetxean zehar, haurrek euren gustuko liburuez goxatzen duten bitartean




• Amaitzeko irakurritako liburuari buruzko iritzia emateko, ikastetxeko toki ezberdinetan hormirudi batzuk kokatu dira. Bertan Andra Mariko irakurle amorratuek euren idazkiak utziko dituzte besteek irakurri ahal izateko.

Nola zuzendu andereño gaizto bat?

Zaila benetan!!!

Andereño gaizto bat zuzentzea lan neketsua izan behar da, ezta?

Lasai, Miren Agur Meabe gure ikastetxera etorriko da martxoaren 28an eta bigarren mailako ikasleekin egongo da.

Bertan bere liburuari buruzko galderak egin ahal izango diezu eta agian lortuko duzue Andra Mariko andereño gaizto eta sorginak zuzentzea.

SEVE CALLEJA

Martxoaren 26an 4. mailako ikasleek Seve Callejarekin egoteko aukera izango dute.
"Zurinek beltza izan nahi du" liburua irakurri ostean, egilearekin izango duten solasaldia probetxugarria izango del espero dugu.
Seve Calleja bizkaitar idazlea da (Zamora, 1953). Hizkuntza eta Literatura irakaslea da Bilboko institutu batean.
Poesia eta helduentzako ipuinak idatziz eman zituen lehen urratsak literaturaren munduan. Geroztik haur eta gazte-literatura landu du gehienbat.
-Nire bizikleta eta ni
-Tximino gixajoa
-Bakarnek ez du lagunik
-Hamster bi kaiola baten barruan
-Bazen behin marinel bat
-Hain da triste la vie du touriste
-Beheko eskola, goiko eskola


Animatuko zarete bere liburuak irakurtzen?

FERNANDO JUBILATU EGIN DA

Guztiok jakingo duzuenez Fernando Melcón, ingelezko irakaslea, jubilatu egin zaigu.

Ikasleek zein irakasleek bere falta nabarituko dugu eta etapa berri honetaz goxa dezan opa nahi diogu.

BAKEA BIZKAIA

Datozen astetan gure ikastetxeko 3. mailako ikasleek Bakea Bizkaia itsasontzia bisitatuko dute.
Gaur, martxoaren 12an, PB31 taldeko ikasleak bertan egon dira eta primeran pasatu ere.Asteazken honetan, martxoaren 14an, PD32koak joango dira eta apirilaren 23an PD31eko haurrak Kirol Portura hurbilduko dira.
Zerbait gehiago jakin nahi izanez gero, argazkian klikatu.

IZENAREN BILA

Kaixo:

Ezagutzen nauzue? Andra Mariko liburutegian bizi den sagu jakintsua naiz.

Egun batean konturatu gabe eskolan sartu nintzen eta bueltaka eta bueltaka ibili nintzen atera ezinik. Bapatean gela handi eta zoragarri bat topatu nuen. Liburuak, komikiak, ordenagailuak,,,, gauza horiek guztiak ikustean, bertan geratzea erabaki nuen.

Orain oso gustura nago hemen eta gauza mordoa ikasi dut. Haurrek ondo tratatzen naute eta liburuzainak gazta zati goxoak ekartzen dizkit. Eta liburutegia ordenatzen dudanean "kongitoak" oparitzen dizkidate!!!

Baina arazo bat daukat: ez daukat izenik.

ROSA MARIA MARTINEZ

Rosa María Martinez Galtzagorri taldearen partaidea da. 1991an haurrentzako istoriak kontatzeko txotxongilo emanaldiak burutzen hasi zen.
Andra Mari Ikastetxean Erreka Mariri buruzko ipuina antzeztu digu.
Erreka Mari obra euskal pertsonaia mitologiko batean oinarritzen da, azken lamia. Umorez, samurtasunez, kontatzen dizkigu Erreka Marik eta Martinek herriko biztanleen aldetik jasan behar dituzten arazo eta eragozpenak.

LIBURU EGUNA

Martxoaren 23an gure ikastetxean Liburu Eguna ospatuko dugu.
Horren inguruan ekintza ezberdinak burutuko dira eta hainbat idazle gure ikastetxera hurbilduko dira.
Martxoaren 6an Rosa María Martinezek Haur Hezkuntzako ikasleentzat txotxongilo emanaldi bat eskainiko digu.
Martxoaren 28an Miren Agur Meabe lehen zikloko ikasleekin elkartuko da "Nola zuzendu andereño gaizto bat" liburuari buruzko hitzaldia izateko.
Martxoaren 26an Seve Calleja, 4. mailako haurrek irakurritako liburuaren egilea ("Zuriñek beltza izan nahi du" ) gugana etorriko da .

SCREAM STREET: HIL ASKO ETORTZEAGATIK!

Bilduma berria argitaratu dute, Scream Street izenekoa. beldurrezko pertsonaiez josita. Momentuz bi titulu baino ez daude:

Banpiroaren letagina.LUKE WATSON GIZOTSO BAT DA, nahi ez badu ere. Gainera, Scream Streetera iritsi den azken munstroa ere bera da... Scream Streeten lagun berriak egingo ditu: Resus Negatibo (banpiro izan nahi duen mutiko bat) eta Kleo Farr (momia mari-mutila). Scream Street Lukerentzat bizileku ezin hobea izan liteke, baina arazo txiki bat dago: Lukeren gurasoak erabat izututa daude auzokideengatik. Lukek, gurasoak beldurrez hil baino lehen, benetako mundura itzultzeko atea ireki nahi du. Resus eta Kleo gai izango al dira Lukeri atea garaiz irekitzen laguntzeko?

Sorginaren odola. SCREAM STREET INBADITU EGIN DUTE ARRATOI-BANPIRO BATZUEK...Luke, Resus eta Kleo bigarren erlikiaren bila abiatu dira, sorgin-odolez betetako anpulu bat, hain zuzen. Baina oztopo batzuk aurkituko dituzte: Otto Handiputz gaiztoak odol-hornidura eten egin du; gero, arratoi-banpiro mordo batek ihes egin du, eta, orain, Scream Streeteko biztanle guztiak banpiro-energiaz kutsatu dira! Lukek eta haren lagunek erabaki bat hartu beharko dute: erlikia aurkitu ala Scream Streeteko biztanleak salbatu...

BEHARSAREA: GETXON LANA EUSKARAZ

Beharsarea Getxon euskaraz egiten den lana eskaini eta eskatzeko web orria da, Egizu elkarteak kudeatua.
Beharsareak bitartekari lana egiten du langile euskaldunak behar dituztenentzat eta lan horiek egin nahi dituzten herritarren artean.Baldintza bi betetzea eskatzen zaio zerbitzu honen erabiltzeari:
1-Lanak euskaraz egitea
2-Lan baldintzak duinak izatea.
DOAKO zerbitzua da.
Beraz, zaintzaile euskaldun bat behar izatekotan, eskola partikularrak emateko irakasle bat, begirale bat... ondorengo orrian sartu. Lan eskaintzak gazteleraz ere idatz daitezke.

2012KO INAUTERIAK

Ikuskizun paregabea izan zen aurreko ostiralean Getxon izan genuena.

Ikastetxeko guztietako ikasleek kalejira osatu zuten, zein baino dotoreago.

Andra Mari eskolako haurrek mitologia pertsonaiak aukeratu zituzten eta ibilaldi luzearen ondoren txorizo goxoa dastatu zuten ikastetxean bertan.