ETA AMAITU DA!

Ikasleak oporretan daude jadanik baina irakasleok oraindino jarraitzen dugu lanean, bihar arte.

Opor usaina antzematen da ikastetxeko pasiloetatik.

Ea  hainbeste itxaron dugun udak  jardunaldi ederrak oparitzen dizkigun!

Laster arte.

SARIDUNAK!!!!!

Jadanik burutu dugu, laguntzaileen arteko zozketa eta bi irabazle ditugu:
Ane Ochoa, PD41eko taldekoa eta María Barrena, PD42ko taldekoa. Hemen ditugu aukeratutako liburuekin.

ZORIONAK ETA JARRAITU LAGUNTZEN!!!!!!

LIBURUTEGIKO LAGUNTZAILEAK

Bihar ekainaren 4an, eguerdiko 13:00etan liburutegia ordenatzen lagundu duten ikasleen artean zozketa burutuko dugu.
Batzuek ehunka papeleta dituzte eta saridunak izateko aukera gehiago!
Bi izango dira irabazleak:  nahi duten liburua aukeratu eta opari gisa jasoko dute. BERRIA, NOSKI!

FURRA-FURRA

Ekintza berria antolatu dugu ikastetxean. Datorrean astean, ekainaren 5etik-11ra, Euskal  musika  eta abeslariei buruzko jakinmina  sortzeko  Furra-Furra kanpaina  hasiko da.

Bi helburu nagusi ditu kanpainak honek:

·         Alde batetik euskararen erabilera bultzatzea gelan, nahiz gelatik kanpo.

·         Bestetik, Euskal abeslari eta bere kanta baten  izena asmatzea.

Aurretik lehen pisuko kortxoan hormirudi bat kokatuko da, non abeslari/talde batzuen  datuak jarriko dira: argazkiak, biografia, abestien izenburuak eta letra zatiak,…

Kanpainaren  pertsonaia eta kanta,  hormirudian  agertutakoen  artean egongo dira.

Ekainaren 5etik aurrera, egunero bi pista agertuko dira.

·          Batean, abeslariaren datuak azalduko  dira.

·         Bestea, irudi baten bitartez, kantarekin erlazionaturik egongo da.

Sariak Musika astean banatuko dira.

 

XABIER MENDIGUREN gure ikastetxean

Gaur, Liburu Eguna, Xabier Mendiguren 3. zikloko ikasleekin egongo da.

"Ezin da ipuinik asmatu, ala" liburua irakurri ostean solasaldi bat izango dute idazlearekin.

ONGI ETORRI, XABIER!!

LIBURU EGUNA

LIBURU EGUNA: ANDRA MARIKO ARRAKASTATSUENAK

Open publication - Free publishing - More top ten 13

Agiri honetan 2012-2013. ikasturtean gure liburutegian arrakasta handiena izan duten liburuak ikus ditzakezue.

SENDATUTA DAUDE!!!

Jadanik sendatuta daude gure pelutxe gaixoak. Lan handia egin zuten Basurtuko sendagileek, baina Andra Mariko ikasle zintzoen laguntza bikaina izan zuten.
Katarroak, tripako minak, zauriak, barizelak, hausturak,.... mota guztietako gaixotasunak ikusi genituen.
Pozaren pozez itzuli ziren eskolara. Ea zenbat mediku ateratzen diren irteera honetatik!

HARTZARTXOEN OSPITALEA

Bihar, apirilaren 22an, Haur Hezkuntzako 5 urteko ikasleak Hartzatxoen Ospitalea bisitatuko dute.

Hartzatxoen Ospitalea?
Bai, Basurtuko Ospitalean gure pelutxeak sendatzeko ospitale dotore bat antolatu dute sendagileek.
Haur bakoitzak bere pelutxe gaixoa eramango du eta bertan medikuek  aztertu eta osatuko dute.

Ikusi nahi duzue nolakoa den mota honetako ospitalea?
 Iaz ateratako argazkia ikus dezakezue baina datorren astean gure ikasleei egindakoak blogean jarriko ditugu.

APIRILAREN 23A: LIBURUAREN EGUNA